1

Distriktsmusikarane

Distriktsmusikarane i Ryfylke er ei gruppe profesjonelle musikarar som starta opp for meir enn 25 år sidan i Suldal. Dei er tilsett i Suldal kommune og tar imot oppdrag frå lag og organisasjonar som er heimehøyrande i kommunen.

Distriktsmusikarane i RyfylkeEnsemblet held òg konsertar og spelar kammermusikk rundt om i Ryfylke og regionen elles ilag med andre musikarar. Alle er lærarar på sine instrument og samarbeider med elevane og dei andre lærarane på ulike prosjekt i kulturskulen.

Xenia Berkova

Xenia Berkova kjem frå Slovakia. Ho har studert fiolin ved Konservatoriet og Høgskolen i Bratislava og ved Høgskolen i Stavanger. Xenia har spela i Bratislava Chamber Soloists, Slovak Filharmoni Orchestra, Stavanger Symfoniorkester, barokk ensemblet Musica Eterna, Harald Hårfagre kammerorkester og MUNOR-ensemblet. Ho har og spela på meisterklassar for bl.a. Alexander Arenkov, Evgenia Chugajeva, Frantisek Novothny, Zakhar Bron, Christian Altenburger og Evgeni Grach.

Veerle Haug Tieghem

Veerle Haug Tieghem kjem frå Belgia. Ho studerte piano med Johan Duijck ved Royal Conservatory of Ghent, og akkordeon med Philippe Thuriot. Som medlem av Chiarina Trio har ho reist rundt i heile Europa og spelt konsertar. I 2012 flytta ho til Suldal for å gå i fjellet og vera distriktsmusikar, og har gjort det siden. Ho har elevar på piano og trekkspel og spelar konsertar som ein del av distriktsmusikartrioen.


Benedicte Årsland

Benedicte Årsland er født og oppvaksen i Stavanger. Ho har studert cello på Norges musikkhøgskole i Oslo, ved Sibelius Akademiet i Helsinki og på Folkwang University of Arts i Essen, Tyskland. I tillegg til jobben som distriktsmusikar i Ryfylke, speler Benedicte i det prislønna strykeorkesteret Ensemble Allegria. Saman med Ensemble Allegria har Benedicte gitt ut fleire plater, tre av desse er blitt nominert til Spellemannsprisen. I tillegg til Ensemble Allegria har Benedicte spelt med orkester som Det Norske Kammerorkester, KORK, Stavanger Symfoniorkester og Kristiansand Symfoniorkester. Benedicte er også ein aktiv lærar, og har tidlegare vore ein del av lærarteamet ved Barratt-Dues talentutviklingsprogram for barn og unge. 


Distriktsmusikarane tar i mot oppdrag frå lag og organisasjonar som er heimehøyrande i Ryfylke. Dette er eit gratis tilbod. Ta kontakt seinast 10 dagar før.

Kulturhuset i Suldal
Løhaugen 1
4230 Sand
tlf 52 79 22 82
e-post til:
veerle.omer.tieghem@suldal.kommune.no
xenia.berkova@suldal.kommune.no

 

 

_
_
_